समावेशन आणि लिंग समभाव

शाळेत 'समावेशन आणि लिंग समभाव' या स्तंभांतर्गत किशोरवयीन मुलींच्या सर्वांगीण विकासासाठी विशेष कार्यशाळांचे आयोजन केले जाते. या उपक्रमात मासिक पाळी, वैयक्तिक स्वच्छता, शारीरिक आरोग्य आणि सुरक्षितता यांसारख्या अत्यंत महत्त्वाच्या विषयांवर मार्गदर्शन केले जाते. तसेच, विद्यार्थिनींना आवश्यक स्वच्छता साहित्याचे (उदा. सॅनिटरी पॅड्स) वाटप करून त्यांच्या आरोग्याविषयी व स्वच्छतेविषयी योग्य ती जागरूकता निर्माण केली जाते 

मुलींनी केवळ शैक्षणिकदृष्ट्या नव्हे, तर शारीरिक व मानसिकदृष्ट्याही सक्षम बनावे, यासाठी शाळेत विद्यार्थिनींसाठी विशेष 'स्वसंरक्षण प्रशिक्षण' (Self Defence Training) राबविले जाते. तज्ज्ञ प्रशिक्षकांच्या मार्गदर्शनाखाली विद्यार्थिनींना स्वसंरक्षणाचे विविध धडे, तंत्रे आणि व्यायाम प्रकार शिकविले जातात. या उपक्रमामुळे विद्यार्थिनींमध्ये स्वतःचे रक्षण स्वतः करण्याची क्षमता निर्माण होते आणि त्यांचा आत्मविश्वास द्विगुणित होतो.